Igoti rimwe Nairobi muthenya wa ruciu rirevokwa kuvecana wamuri kana maavitha a vorithi nimagwitikirua kuvingiriria vari kavida ka mithenya 14 Dickson Njanja Mararo uria ni mwikuirwa ukuruvanitue na kuratha maavitha airi a vorithi na mutumia umwe Quiver’s Lounge varavarari ya Thika.
Mwikuirwa uria urevecanire kuri maavitha a vorithi muthenya wa igoro akinyirue mbere ya mucirithania Zainab Abdul kiroko kia umunthi varia mwena wa nthitango uririe kuvewa kavida makiria meke uthuthuria.
Igoti riritwe mithenya ino 14 maavitha a vorithi mendekithitie, niikumavotithia kwandikithia ndumiriri , marorie mukwa wa CCTV na mavaririe rivoti ya uthuthuria uria wikitwe kuringana na wiyra uria unganitue varia giko giki giekikire .
Kuvitukira wakiri wake Cliff Ombeta ,Mararo nureganite na riedekithia riri ria kumuvingiriria vari kavida ka mithenya 14 .
Mwikuirwa ,ekuiritwe kuratha na gutivangia maavitha aya a vorithi vuva wa gukorwa na ngucanio iguru ria mutumia .
Maavitha aya ni Lawrence Muturi kuuma station ya vorithi ya Kasarani na constable Festus Nzisa.
Wingi watigirwe na ndivangio ni muruti wira wa hoteli.
Igoti riritwe vuva wa giko giki mwikuirwa niwatorokire na kwithitha nginyagia muthenya wa igoro na ndavura rivoti kuri gituo wa kionthe kia vorithi mutaratara uria wagirirwe kurumirirwa ni mundu uria witikiritue gukorwa na matharaita.
Wanja wa Njiru
Mbica irutitwe online
