Ekuirwa anna nimaikitue ngono kauntiri ya Homabay, magikuruvanua na wiyii wa makiria ma ikingi 10 cia thitima vuva wa maavitha a vorithi kuthithukira mucii umwe sublocation ya South Kanyabala gicigo mbunge kia Homabay town.
Umwe wa ekuirwa aya ni ndereva wa lori uria wikuiritwe gukorwa nike urakuire ikingi ino kuuma miena ngurani ya kaunty ino na kuivira kaunti iria mariganitie nacio.
Maavitha a vorithi wavo nimaranyitire ikingi makiria ma 10 iria irathithitwe muciiri uyu.
Kuringana na rivoti iria ivecanitwe ekuirwa aya, makoretwe makiya ikingi ino na kuruta cuuma iria makoretwe makiyedia .
Mwenari wake kaunty commissioner wa Homabay Moses Lilan augite kuringana na uthuthuria uria wikitwe ekuirwa aya makoretwe makinyitanira na engi gwika giko giki.
Ekuirwa aya mavingiritwe stationiri ya vorithi ya Homabay meterere gukinyua igotiri .
Wanja wa Njiru
Mbica irutitwe online
