Vururi wa Kenya niwandikithitie arwaru 400 a murimu wa COVID-19 muthenya wa umunthi kuuma kuri ithimi 5,068 iria ciekitue na gukinyia gicunji kia arwaru gukorwa kiri 7.9 vari igana.
Thiini wa ndumiriri yaao ruvonge rwa ugima wa mwiri rugite namba ya aria manyitikanite na murimu uyu wa Covid-19 ikinyite 186,453 nacio ithimi iria ciekitue ni 1,989,066.
Akenya ni 386 naao 14 maumite nja ya vururi. 220 ni anduarume naao atumia ni 180. Uria munini muno ni mwana wa mithenya 12 na uria mukuru aina miaka 97.
Kaunti iria ciandikithitie arwaru: Nairobi 155, Kilifi 43, Uasin Gishu 34, Siaya 21, Kiambu 19, Busia 18, Mombasa 16, Kisumu 13, Nyamira, Nakuru arwaru 11 wa kaunti, Narok 6, Kwale, Marsabit, Murang’a arwaru 5 wa kaunti, Nyandarua, Nyeri, Kisii, Homa Bay arwaru 4 wa kaunti, Bomet, Kajiado, Kakamega, Kitui arwaru 3 wa kaunti, Kericho, Migori arwaru 2 wa kaunti, nacuio kaunti cia Machakos, Trans Nzoia, Embu, Turkana, West Pokot na Garissa kuandikithia murwaru umwe wa kaunti.
Kavindari wakau arwaru mugwanja nimakuite na cionthe ni ikuu iria ciacererue kumenyithanua na ciaumire mweri muvituku. Namba ya aria makuite ikinyite 3,697.
Kunari uguo arwaru 354 nimavorete, 259 maramenyagirirua miciiri yaao naao 95 makirekererua kuuma mathivitari matiganite. Namba ya aria mavorete ikinyite 129,165.
Wauguo andu 1,495,120 nimarikitie kuvewa njanjo ya Covid-19 guku vururiri na 1,020,120 niyo mamukirite dose yambere naao 475,000 nimamukirite yakairi.
Kaari wa Mugendi
Mbica irutitue online
