Umwe wa avuraniri aria maramereria mata iturwa cia makomicona , thiini wa commission ya ithurano na mivaka IEBC niwithengutitie gukorwa atakurua ciuria vuva wa university ya Methodist kuregana na gukorwa imuvete degree iria ari nayo.
Kuringana na kamiti iria irathurima avuraniri aya , Abdalla Mohamed ethengutirie gukorwa akithurimwa vuva wa university ya Methodist kuuga matiratambura degree yake iria irikite amigire tariki 28, mweri wa mugwanja mwaka 2007 varia maugite niyakwithodekera .
Vuva wa kamiti ino kuria mwingi kuvecana mawoni mao meegie aria magukorwa makithurimwa nimandikire nvonge itiganite na macukuru niguo kumenya ndeto makiria ciigie andu aya marenda iturwa ino
Mohamed ni gatagati ka andu 36 aria maritwa mao mavitukitue gukorwa makithurimwa kwambiriria muthenya wa umunthi .
Wauguo arevoketwe kuurua ciuria muthenya wa umunthi maria vamwe na Dr. Abdirizak Arale Nunow na Anne Mwikali Kiusya.
Wanja wa Njiru
Mbica irutitwe online
