Rais wa vururi wa Haiti Jovenel Moise niurathitue na gukua ni andu mataramenyekana muciiri gwake na mutumia wake kugurarua, ino ni kuringana na minista munene wa kavinda Claude Joseph.
Claude augite maavithaa a vorithi na aria a jeshi nimaravotire kumariria ugitiri wana kuaga mirathukio ya micinga niregwikaga muciiri munene wa vururi ucio vuva ya ntharikiro ino iria ikikite wariria kwiina mbukaniriro nyiingi cia giuteti vururiri ucio.
Vururi ucio wiina muugaukano wa giuteti na kwiina thiina wa unyiviriru wa irio na kuvinyiririka gwa andu maunduri matiganite varia kuretigirua kwavota kureta wagi wa mivango maunduri ngurani.
Vururi wa Dominican Republic niugite, niuravinga mivaka iria matumagira na vururi ucio wa Haiti gicigirari kia Hispaniola.
Moise niukoretwe aina thina wa mirurungano kuuma atonya wathaniri mwaka wa 2017, varia mwakari mwena wa nthitango niukoretwe ukimumenereria niundu wa kugia na muvango wa kureta wathani wa gutumira kithuri, undu areganire naguo.
Rais Moise niuragire ngurario na arakuire kumana na ngurario ino.
Kaari wa Mugendi
Mbica irutitue online
