Vururi wa Kenya niwamukirite utethio wa njanjo muthemba wa AstraZeneca iria ni dose 182,400 kuma kuri thirikari ya France kuvitukira muvango the global Covax scheme.
Njanjo ino ikinyite vururiri muthenya wa umunthi kirauko na kwamukirwa ni mwenegiti wa kiama kia kurungamirira njanjo guku vururi Dr Willis Akhwale, mutarani wa giuteti wa France Emmanuel Dagron na murungamiriri wa UNICEF Maniza Zaman.
Ndagitari Akhwale augite thirikari ya Kenya niicokeretie France ngatho niundu wa utethio uyu uria augite niugutetherereria vanene mbarari ya murimu wa Covid-19.
Vanduri vake Maniza Zaman augite njanjo ino niigutethia gucaja riakairi andu aria macajitwe rita ria mbere na aria mari ugwatiri muno wa kugwatwa ni murimu uyu ta arigitani, arimu na andu aria marina makiria ma miaka 58.
Kuringana na rivoti iria ivecanitwe ni ruvonge rwa ugima wa mwiri, andu 1,511,693 nikio gicunji kia 1.8 vari igana nimo mamukirite njanjo ya covid-19 vururiri.
Mbica irutitwe online
