Mweri umwe vuva ya gikuu giake, mwiri wa muvunjia kuuma vururi wa Nigeria Temitope Balogun Joshua niukinyitue kanithari wake kuria Ikotun-Egbe, mwena wa Lagos, varia ugwikara utuku mugima mbere ya mathiko muthenya wa ruciu tariki 9.
Muvunjia uyu uria wecekine muno ta TB Joshua, na mwambiriria wa kanitha wa Synagogue Church of All Nations (Scoan) akuire tariki 5 mweri muvituku.
Ithanduku riake rikinyire kanithari uyu mathaari ma muthenya umunthi vuva ya igongona ria kumuririkana kanithari wa Prayer Mountain kuria Agodo-Egbe.
Andu aria metanitue na muvunjia uyu, amemba a kanithu uyu wa Scoan, undumwe na aria maramucakaya nimaririre muno riria makuamukagira mwiri wa muvunjia uyu wa miaka 58.
Aria maraumagaranitie na ithanduku ria TB Joshua ni mutumia wake na ari ake athatu.
Mwiri wake urekiritue suti njeru na iratu njeru na wigirue gatagati kanithari mbere niguo andu onthe mavote kwona.
Aria makumatagia ugitiri marari na kavinda karito kurigiriria andu muromori wa kanitha uyu niundu wa mundu niakwendaga kuona mwiri uyu ukivituka.
Wauguo aria maroragiria wagiriru kanithari marari na kavinda karito ga kuvoreria andu aria makuririga na mugambo weguru nginyagia gukira mitambo ya gutambia migambo.
Kaari wa Mugendi
Mbica irutitue online
