Namba ya aria manyitikanite na murimu wa covid 19 vururiri ikinyite ngiri igana rimwe ria mirongo inana na mugwaja , magana kenda ma mirongo mugwaja na mugwaja ino ni vuva wa andu engi magana manna ma mirongo itano na airi kuonekana na murimu wa covid 19 muthenya wa umunthi, namba iria yumite kuma kuri ithimi ngiri inya , magana manana ma mirongo mugwaja na ithathatu iria ciikitwe rungu rwa mathaa mirongo iiri na manna mavituku na gukinyia gicuji kia aruaru a murimu wa covid 19 kiri 9.3 vari igana.
Kuma kuri namba ya umunthi akenya ni magana manna ma mirongo ithatu na atandatu 16 maumite nja ya vururi, magana mairi ma mirongo ithatu na umwe ni anduarume nao magana mairi ma mirongo iiri na umwe mari atumia, uria munini muno ni mwana wa mweri umwe nake uria mukuru muno aina ukuru wa miaka 89.
Kaunti iria ciandikithitie aruaru muthenya wa umunthi kaunti ya Nairobi nio itongoretie na aruaru igana rimwe ria mirongo itandatu na kenda.
Kunariuguo andu ngiri imwe magana mathatu ma mirongo iiri na mugwaja nimavorete na gukinyia namba ya aria mavorete vururiri iri ngiri igana rimwe ria mirongo mugwaja na mugwaja , magana mugwaja ma mirongo inana na athatu.
Namba ya aria makuite vururiri ikinyite ngiri ithatu , magana mugwaja ma ikumi na anana ino ni vuva wa ikuo ingiri kwanirirua muthenya wa umunthi cionthe iri ikuo njerere.
Mbica irutitwe online
Mwende Jackie
