Vuva wa njanji Anthony Mrima gutecaniria mendikithia ma arungamiriria aria akuru a ithii cia manjani, muruiri wa ivoto cia arimi kauntiri ya Embu John Njiru Kathangu nwa nwake munini wa mwenegiti wa kiama kia arimi a macadamia vururiri (NUTAK), augite ita riri niriagiririku.
Njanji Mrima augite file cia ciira cia kambuni ya kuramata wendia na ukuria wa manjani KTDA ivirwe oviciri ya njanji munene vururiri Martha Koome niguo acuthe manjanji engi aria makaathikiriria ciira icio.
Kunari uguo Kathangu niuritie arimi a manjani maumiririe niundu atongoria aria marathurire makamakinyukithia navau mbere na makamarumbuiya na njira iria yagiririkite.
Wavo niumauritie gukorwa matakuthikiriria ndeto itari na maguri iria ni cia maveni, ciigie micara ya wavamwe na kuvecanwa kwa fertilizer. Kathangu augite fertilizer ikavecanwa mweri uyu wa mugwanja na uguo arimi magie na ukiririria.
Madirector ama akuru makoretwe magiteta ni kurutwa itiri varia maugite maarutirwe na njira itaagiririkite na uguo kwenda gucokua itiri.
Mbica irutitwe online
-Mbuya Ngari-
