Raisi wa vururi wa Malawi Lazarus Chakwera niworotetwe muno nundu wa gucagura mwiritu wake Violet gukorwa ari mbarothi wa vururi ucio Brussels ari mwandiki wa kathatu.
Chakwera agukuma giturwari kia uraisi niweririre kuthiria kwenderera kwa andu a mucii wa mundu undu worotagwa wari kuo muno vindi ya wathani wa raisi Peter Mutharika.
Umwe wa aria morotete raisi Chakwera ni Onjezani Kenani uria ukoretwe akiguciriria andu muno mitambori ya ukinyaniria ya kiriu varia akoretwe akiorota raisi uyu nugukworwa ari na wendereri makiria wa andu a mucii wake wana gukira Mutharika nikwona ke ndacagura muvici kana mwari wake thiini wa iturwa ta ino .
Kunari uguo thingira wa iregi vururiri uyu nutetererete raisi Chakwera na kuuga aria onthe mavetwe mawira, mavetwe kuvitukira mathomo maria mari na mo na umenyo wa kuruta wira.
Wanja wa Njiru
Mbica irutitwe online
