Wakiri Florence Jaoko niumenereretie komiconi ya kurugamirira ithurano na mivaka niundu wa gukorwa atekiritue thiiini wa record ciao ta mwikia wa kura.
Florence niuuthite nambere gutariria ati wana thengia ya kwiyandikithia na gwikia kura cukururi wa secondary wa St George’s miakari ya 2013 na 2017, IEBC nimaugite matiri na record ciake guku akiuga undu uyu ucangiritue ni urugamiriri mucuku wa muvango wa wikia wa kura.
Jaoko, akoretwe akithomithia watho vanduri va miaka 17 na arekinyitie mbere ya kamiti ya IEBC kuthurimwa akienda giturwa kia kamishna.
Jaoko niugite angithurwa agatigirira IEBC niyarunga register ya aikia a kura na kuria andu mathii kuroria record ciao. Akiongerera IEBC nivatii gutigirira iina record iria ciagiririte cia aikia a kura.
Wauguo IEBC niivatii kuthomithia mwingi maundu megii ithurano.
Iturwa ino inya cieyumirie vuva ya gutiga wira gwa makamishna aana na gutiga mwenegiti Wafula Chebukati, Abdi Guliye na Boya Molu oviciri.
Kamiti ino ya kuthurima andu aya iina andu mugwanja na itongoretwe ni ndagitari Elizabeth Muli varia muvango uyu uratwarithua nambere nyombari ya Kenyatta International Convention Centre (KICC).
Kaari wa Mugendi
Mbica irutitue online
