Ruvonge rwa ukinyaniria, uthunduri na maunda ma mbeu mbuthi niruritie mbeu mbithi gutigirira nimaratumira mieke iria maravewa ni thirikari gwikuria kimuturire.
Mutethereria wa minister thiini wa ministry io Nadia Abdallah niauritie mbeu mbithi mathome na kiio na kumatara matigane na maundu maria mavituke ni mavinda.
Ciugo ino cia Nadia niciikiritwe vinya na Murugamiriri wa mutaratara wa kioneki kia 2030 Kenneth Mwige uria ukumite mitugo ya kugimarua kwa atumia na njira nene.
Mwige niathiite na mbere na kuria mbeu mbithi gwikuria na mieke iria maravewa ni thirikari niguo kioneki kia 2030 gikinyanire.
Mwaria munene wa thirikari uria arekinyitie mamburari mama Colnel Cyrus Oguna niaugite vururi ndungikura mbeu mbithi itigitwe vuva na nikio thirikari iramava mbeca ta cia Uwezo Fund na Youth Fund cia gwikuria na gukuria vururi.
Atongoria aya maritie mari igongonari ria kuthundura ruvonge rwa kiama kia kurutithania wira kia mbeu mbithi rungu rwa riitwa KIKAO KIKUU FORUM county ya embu na kiria gikatongoragia maundu monthe ma mbeu mbithi county ino.
-Njagi wa Ndathi
–Mbica irutitwe online
