Mundumurume uria warathire mwiritu umwe akimwikuira ni avitha wa vorithi uria ukoretwe agicaranua nake nurekereretue na bail ya ngiri magana matano kana bail ya ngiri magana mairi mbeca varivari vuva wa kuthitangwa na gukorwa ativangirie Phanice Chemutai thokori ya Kiminini kiumia kithiru.
Ken Muyundo uria ni mwitikirie gukorwa na mucinga aikirue ngono kiumia kithiru nundu wa gutivangia Chemutai akimwikuira ni mundu wingi.
Kuringana na ndumiriri iria Muyundo andikithirie kuri maavitha a vorithi augite Chemutai akoretwe akimuvurira thimu akimuria macemanie.
Wauguo erire maavitha a vorithi ekuagira Chemutai ni avitha wa vorithi Caroline Kangogo uria uracaranua nake agikuruvanua na kuuraga anduaraume airi kauntiri ya Nakuru na Kiambu.
Ciira uyu ukagwetwa tariki 28 mweri wa mugwanja .
Wanja wa Njiru
Mbica irutitwe online
