Wa riri mwingi wa Kenya uthiite na mbere gukaa ni wongerereku wa magoti ma indo iria matumagira, muthikavu wa Diocese ya Embu niuritie atongoria a thirikari gutigirira ati nimegua Kiriro kiao.
Akiaria ari kanithari wa St. Joseph Mukasa Mbiruri vindi ya harambee ya gwaka kanitha, muthikavu Paul Kariuki Njiru augite mwingi uvatii kugunika na indo iria irikuo vururiri na njira iria yagiririkite.
Muthikavu Kariuki niworotete ungumania na ugondereru uria ukoragwa vo gatagatiri ga atongoria amwe na gutara atongoria gukoragwa vakuvi na mwingi uria matongoragia mavinda monthe niguo kumenya mavataro mao.
Kavindari wa kau, muthikavu Kariuki niuritie thirikari kuvuthiria onjoria wira magitigagira matiragia hacara wirari wao.
-Maitha wa Ngari
–Mbica irutitwe online
