Ekari a itura ria Rwanga Mbeere ya Itherero kauntiri ya Embu nimakairite atongoria ao kumaririkana varia maugite oo nimatangikite miaka mingi nundu wa gutura manji ma kunyua ,kurima wana magutumira miciiri yao .
Makiaria na Kameme ga Kimuri Fm maugite magendaga thavari ndaca wa muthenya gukere gucaria manji na manji maria matavaga ti matheru wanai varia vanini noguo gwikira uturo wao nvatikanori ya kugwatwa ni mirimu.
Kuringana na Kithaka wa Kithua uria ni mwikari wa itura riri augite korua kwa mangigia manji matheru nwamavote kwirungamirira na itura riri gukinyukithia vanene nikwona nwamekirire muno thiini wa urimu na kuvota kwirungamirira.
Wauguo ekari makaite nikwona wanamakiedaga kwiga utheru matingivota ni kwona ,wagia manji nwanginya umekire mathavu ma uria ukumatumira undu ucangiririte nguo kuthuka ni kwona iravurwa na manji matari matheru .
Riu mauritie atongoria ao kumathiriria gitangiko kiao na kumejira dam niguo wana mbura yaura guku mavote kwiga manji mama .
Mwenari wake MCA wa Mbeti south Muriithi kiura kana Tadpole nuuritie ekari a Rwanga kwiyumagiria vindi iria miradi iraririrua niguo mavote gwikirwa muvangori wa uthiyi wa nambere.
Wavo augite itura riri rigumiritwe ni thina wa manji ni kwona ri vandu iguru nwati ameririte kumacerera na kuroria uria mangitetheka
Wanja wa Njiru
