Ruvonge rwa ugima wa mwiri niruaniririte andu 761 a murimu wa covid 19 muthenya wa umunthi namba iria yumite kuma kuri ithimi 5,794 iria ciikitwe rungu rwa mathaa mirongo iiri na manna mavituku na gukinyia gicuji kia aruaru a murimu wa covid 19 kiri 13 .1 vari igana .
Kuma kuri namba ya umunthi akenya ni 727 nao 34 maumite nja ya vururiri , 381 ni anduarume nao atumia mari 380 , uria munini muno ni mwana wa mieri itandatu nake uria mukuru muno aina ukuru wa miaka 96.
Namba ya aria mavorete muthenya wa umunthi ni 71 na gukinyia andu aria mavorete murimu wa covid 19 mari ngiri igana rimwe ria mirongo inana , magana matandatu ma mirongo iiri na anna.
Kunariuguo andu kenda nimakuite muthenya wa umunthi cionthe ikianirirua iri ikuo njerere na gukinyia namba ya aria makuite vururiri iri ngiri ithatu , magana mugwaja ma mirongo ithatu na airi.
Thiini wa kaunti iria ciandikithitie aruaru muthenya wa umunthi Nairobi 189, Kisumu 133, Laikipia 104, Uasin Gishu 45, Nakuru 35, Mombasa 35, Kiambu 27, Kitui 23, Garissa 20, Kilifi 18, Busia 18, Siaya 14, Taita Taveta 14, Murang’a 8, Machakos 8, Isiolo 7, Vihiga 7, Kirinyaga 6, Makueni 6, Kisii 6, Kwale 6, Bungoma 5, Kericho 5, Nyamira 5, Embu 2, Hama Bay 2, Kajiado 2, Kakamega 2, Narok 2, Nyandarua 2, Nyeri 1, Baringo 1, Bomet 1, Elgeyo Marakwet 1 na Meru 1.
Mbica irutitwe online
Mwende Jackie
