Arimi a manjani mari na mwivoko wa kwambiriria gukenerera urimi wao vuva wa thirikari kwendekithia thogora wa nthi muno wa manjani thokori wa munanda wa Mombasa ugakoragwa uri ciringi 261 vari kilo imwe.
Arimi ama matikoretwe magikenerera urimi wao niundu wa mbeca nini iria makoretwe makigia, undu uria ucangiritwe ni thoko cia imwe kwa imwe na iria ikoretwe igicukia thogora wa manjani.
Thogora wa manjani thokori ya Mombasa riu ni 193.98 vari kilo imwe varia kilo wa ino mwaka muthiru wa 2020 yaumaga ciringi 225.23, naguo mwaka wa 2019 ikiuma 240.32.
Riu maugite atongoria aria akuru mathuthurue niundu wa ungumania uria wari kuo, atongoria aria meekirue nja niguo gukinyaniria mawatho ma kuramata urimi na wendia wa manjani.
Kavinda kau ka atongoria aria akuru, arimi kuma kithii kia Mungania nimaungumanirue makiria ma ciringi million 44 iria ciaigitwe mbangiri iria ciagwire, namo arimi a kithii kia Rukurire nimaungumanirue million 53 iria ciaurire na njira wa ino.
Mbica irutitwe online
-Mbuya Ngari-
