Vuva wa mitino gukorwa ikiongerereka, mwingi niuritie thirikari gwikira mitaratara ya kurigiriria mitino ino varavarari ya Mwea kuthii Embu. Namo atumiri a varavara ino nimauritue gukorwa aigiririku riria mari varavarari.
Ndeto ino yukite vuva wa andu athatu gukua na engi athatu kumira igoro mitonori iiri ngurani varavarari ya Embu kuthii Mwea countiri ya Kirinyaga.
Commander wa vorithi wa gicigo mbunge kia Mwea ya irathiro, Daniel Kitavi, augite mutino wa mbere urekikire ndarasari ya Gwa Kariba vakuvi na Difathas vuva wa irori guta mwerekero na gukuna mutwarithia wa vikiviki varia arakuire na uria urakuitwe gukuira civitari ya Kimbimbi.
Mwena ucio wingi civu wa Mwea ya irathiro augite mutino wa kairi urekire Murubara varia ngari nini yumite mwena wa Ngurubani yerekerete Embu iratere mwerekero na gukunana na vikiviki iria irathiite mwena wa Ngurubani na kuuraga mutwarithia wa vikiviki na aria marari ngarire kuumira na gutwara civitari ya Kimbimbi.
Kwirikanite ndereva wa ngari io arakoretwe akiiruta gutwara ngari na Vorithi a Wang’uru nimaramucutha vuva wake gutoroka ari civitariri ya Kimbimbi.
Mbisa irutitwe online
