Vururi wa Rwanda niwikirite mucii munene wao wa Kigali thiini wa muvango wa lockdown vandu va mithenya 10 na iria ikaambiriria kurumirirwa njumamosi tariki 17 mweri uyu wa mugwanja wariria vururi uyu ugumiritwe ni mututhuko wa kathatu wa covid-19.
Muthenya wa igoro vururiri uyu wa Rwanda urandikithirie arwaru 14,553 kiria ni gicunji kia 17.5 vari igana gia kwongerereka kwa murimu wa covid-19 namba iria niyo nene muno kuuma murimu uyu wakinyire guku.
Andu engi 607 nimaratorirue ni murimu uyu namo 74 mari ugwatiri makiria.
Thiini wa mucemania uria uratongorirue ni rais Paul Kagame, kuumagara thiini wa icigo cia Gicumbi, Burera, Musanze, Kamonyi, Nyagatare, Rwamagana, Rubavu na Rutsiro gutari na vata gutwiirikiritue.
Miena iyo ingi ya vururi uyu nayo niithi nambere kurumirira mathaa ma mwiyugo kuuma thinacara cia kivwai nginya thaa ikumi kirauko.
Mbica irutitwe online
