Kithurano kinini kia Kiambaa nikiambiririe muthenya wa umunthi thinacara 6:20 karauko. Macindano manene marevokwa gukorwa gatagati ka muvurani wa giturwa giki kuvitukira tigiti ya kiama kia Jubilee Kariri Njama na uria wa UDA John Njuguna Wanjiku.
Giti giki giatigirwe gitari na mundu vuva wa gikuu kia uria wari mumbunge wa Kiambaa Paul Koinange kumana na murimu wa covid-19.
Kunari andu aiiri kuma mucii uyu wa Koinange aria ni Lena Koinange na kugwata mbaru muvuraniri wa kiama kia Jubilee Kariri Njama.
Turi wa guku gicigo gia Kiambaa, ni ati mutongoria wa aria engi mbungeri ya vururi na uria nike mumbunge wa Kipipiri Amos Kimunya arari na kavinda kaumu riria acerire gituori kimwe gia kuthuranira guku Kiambaa.
Kimunya aukirirwe ni gikundi kimwe kia mbeu mbithi gituori kia Kimuga, aria makumworotaga na gutonyerera kithurano giki.
Mbeu mbithi ama nimathiite na mbere na kuuga matiici kiria Kimunya aragirite mwena ucio na ti mwikari kana mwikia wa kura wa gicigo mbunge kiu.
Mumbunge uyu ageririe kwariria mbeu mbithi ama nwati mathii nambere kuuga nwanginya Kimunya athii.
Kimunya acokire kuthii agitiritwe ni maavitha a ruvonge rwa vorithi rwa GSU guku mbeu mbithi ama magikunguira kuthii gwake na kithurano kiathii na mbere wega gituori kia giki.
Kithurano giki kirerigirirwa kuthii na mbere nginya mathaa ma thaa ukumi na imwe kivwaii.
Gicigo mbunge gia Kiambaa kirina eekia a kura 96,000 na ituo 154 cia kuthuranira.
Athathauri a maundu ma uteti maugite kithurano giki kiratumika kuthima vinya wa giuteti gatagati ka Rais Uhuru Kenyatta na munini wake William Ruto.
Mbica irutitwe online
