Mwenegiti wa kiama gia kurungamirira mivaka na ithurano vururiri IEBC Wafula Chebukati, niukanyiriritie ati macivu matiitikiritue gukorwa ituori cia gwikiria kuura, ndeto iria yukite mathaa manini vuva wa kiama kia UDA kworota ruvonge rwa ugitiri wa ndari ya vururi gukorwa magitumira macivu na anini ao kuungumania wikia wa kuura thiini wa gicigo gia Kiambaa.
Akiari na andiki a moovoro umunthi, Chebukati augite ekia a kura, maavitha a vorithi aria metikirie, andu a gwikira uira aria mathuritwe, aria mararuira iturwa ino, agent umwe wa wa mundu urarungama na andiki a moovoro nimo metikiritwe ituori ino.
Wanathengia wa mundu umwe kugwatwa akigeria gwikia kuura na kivande kia mundu wingi, Chebukati niugite ithurano ino cia Kiambaa niciikikite wega na andu nimayumiritie kwa wingi ikiringanithua na ithurano nini iria ciikikite icigori ciingi vururiri uyu.
Muruiri na tigiti ya kiama kia UDA John Njuguna Wanjiku ekiirie kura yake gituori kia Thindibwa nake wa kiama kia Jubilee Kariri Njama agiikiria kura yake cukururi wa mucingi wa Gachie.
Mbica irutitwe online