Ruvonge rwa ugima wa mwiri niruaniririte andu 837 kuonekana na murimu wa covid 19 muthenya wa umunthi namba iria yumite kuma kuri ithimi 7,545 iria ciikitwe rungu rwa mathaa mirongo iiri na manna mavituku na gukinyia gicuji kia aruaru a murimu wa covid 19 kiri 11.1 vari igana .
Kuma kuri namba ya umunthi akenya ni 797 nao 40 maumite nja ya vururiri , 435 ni anduarume nao atumia mari 402, uria munini muno ni mwana wa mieri ithatu nake uria mukuru muno aina ukuru wa miaka 94.
Minista wa ugima wa mwiri mutahi kagwe augite andu 340 nimavorete muthenya wa umunthi , 272 makirorererua kuma miciiri yao na 68 makirekererua kuma mathibitari matiganite na gukinyia namba ya aria mavorete murimu wa covid 19 vururiri iri ngiri igana ria mirongo inana , magana manna ma mirongo iiri .
Woguo andu kenda nimatoretue ni murimu wa covid 19 muthenya wa umunthi cionthe ikianirirua iri ikuo iripotetwe iri njerere na gukinyia namba ya aria makuite vururiri iri ngiri ithatu,magana mugwaja ma mirongo inna na atandatu.kaunti iria ciandikithitie aruaru kaunti ya Nairobi 376, Mombasa 87, Nyeri 45, Kiambu 34, Kilifi 33, Uasin Gishu 32, Nakuru 26, Siaya 23, Kajiado 21, Kericho 15, Bungoma 13, Busia 11, Nyamira 11, Kisumu 11, Makueni 11, Laikipia 11, Kitui 10, Embu 7, Turkana 7, Machakos 6, Nyandarua 6, Homa Bay 6, Elgeyo Marakwet 5, Garissa 5, Migori 5, Baringo 4, Bomet 4, Kakamega 4, Kwale, Lamu, Marsabit, Meru, Narok, Isiolo, Taita Taveta na Tharaka Nithi 1 umwe wa kaunti.
Mbica irutitwe online
Mwende Jackie
