Muruiri wa giturwa kia mumbunge gicigori gia Kiambaa na kiama kia UDA John Njuguna Wanjiku nike muvotani.
Njuguna avotanite ithuranori ino na kuura 21,773 varia acindite muruiri wa vakuvi na kiama kia Jubilee Njama Kariri uria ugite kuura 21,263.
Ama ni maumirira maria mavecanitwe umunthi tariki 16 vuva wa mwingi wa Kiambaa gwikiria kuura ituori 154.
Andu aria marekirie kuura ni 43,700 kiria ni gicunji kia 45.51 vari igana kia andu a Kiambaa aria mayandikithitie gwikia kuura. Andu aria mayandikithitie gwikia kuura guku ni 96,020.
Mundu wa kathatu ithuranori ino ni Gichia Evans Wainaina wa kiama gia People’s Party of Kenya. Maumirira mama maaniriritwe ni Returning Officer Peter Muigai.
Riu Njuguna ageekarira giturwa kiria giekariritwe ni Paul Koinange uria wakuire tariki 31 mweri wa kathatu mwaka uyu wa 2021 akiamukira urigiti civitariri ya Nairobi.
Mbica irutitwe online
-Mbuya Ngari-
