Vuva wa maumirira ma kithurano kinini gia Kiambaa mwenegiti wa avuri biashara county ya Embu rungu rwa Kenya National Chambers of commerce and industries John Mugo Mate nucokeretie mwingi wa kiambaa ngatho niundu wa kwiga thayu kithiranori kiu. Mate niatugiritie mumbunge muceru wa Kiambaa uria wavotana giturwa giki kuvitukira kiama kia UDA na avoya mwingi nduka gaukanue ni uteti wa ciama.
Mate niathiite na mbere na kuuga ndanakena niundu wa uria ruvonge rwa kurugamirira mivika na ithurano vururi maratara kura kavora na kumauria magerie gukorwa mai na karugi utariri na waniririri wa muvotani.
Wauguo Mati nuuritie ekari a county ya Embu matige kuuga matirenda siasa kavindari gaka tondu kavinda ka siasa nigakinyu na kuria atongoria aria mai vakuvi na Rais mamuvoe auke arugure mirandi ya uthii wa nambere wa guku embu tauria ekite icigori iria ciingi.
Mate niauritie ateti a embu kunyitanira niguo mugambo wao uvote kwigwika guku vururiri.
Mbica irutitwe online
