Aciari nimauritue kumenyerera ciana ciao na njira iria yagiririkite na kumatara niguo kuithema na kugwatwa mugwate. Ino ni miario yaritue ni avithaa wa ciana kauntiri ya Embu Davelyn Mundi.
Wavo mundi niuritie aciari kugwatanira na atongoria na maavithaa a ugitiri niguo gucutha ciana iria ingiura. Auritie aciari na andu onthe kuvuraga rivoti kuri maavitha a thirikari riria mwana aura kwambiriria kuri atongoria a nyumba kumi nginya maavitha a vorithi.
Ino yukite wariria kauntiri ya Embu kurerikana kuri na andu ta ama aria maravanga kwiira andu na kumagwata migwate na uguo andu agima wana ciana kuurua maimenyerere muno. Augite andu mari na ngari ciao marauka kionanagia wendi wa gutethia niguo gukua mundu na vuvari makamwiira kana kumuuraga.
Kavindari wa kau Mundi niuritie andu kwandikaga aruti a wira aria meci maumite ku niguo kuvota kumakinyira niundu gukoretwe na ndeto cia aruti a wira kwiira andikwa ao kana gutoroka na ciana.
Mwenari wake muthikavu wa diocese ya Embu Paul Kariuki Njiru niuritie aciari gukorwa makirumbuiya ciana ciao niguo ciana itikaithiri mitinori ta ino.
-Mbuya Ngari-
