Mwikuirwa uria ukuruvanitue na kwingira thiini wa mutambo wa commission ya mivaka na ithurano IEBC na njira cia ngungo na uria ukuruvanitue na wiyii agitumira thimu niwikitue ngono kirauko kia umunthi mwena wa Juja varia raini cia thimu nyiingi cia Safaricom ,Airtel na telcom inyitikanite.
Kuringana na data iria arari nayo, iri na maritwa ma aikia kuura ,ivade ciao na tariki ciao cia guciarwa .
Kuringana na ndumiriri iria ivecanitwe mwikuirwa akorirwe agioca ndumiriri cia mundu kiumbe cia aikia kuura ngiri 61, 617 aria meyandikithitie thiini wa kaunty imwe Western Kenya .
Mwikuirwa uria uramenyekana ta Kiprop wauguo orotetwe nagukorwa agitumira ndumiriri ino gukorwa akivenia aria mavecanaga utungata wa thimu nikw mwene thimu na vuva wauguo engiraga thini wa online accounts .
Mwikuirwa uyu wa ukuru wa miaka 21 wauguo etikitue gukorwa anaruta wira na kampuni imwe ya thimu vururiri.
Gwikua ngono gwake gwikikite vuva wa ngwtaniro ya maavitha a uthuthuria wa wiki nai ,maavitha a uthuthuria wa icanjama cia wiyii kampuniri ya Safaricom vamwe na maavitha a ugitiri kuuma Jomo Kenyatta University of Agriculture and Technology .
Mwikuirwa orotetwe na gukorwa agiitua mundu uria wamukagira mateta ma customers varia avuragira agent na kumavenia mavivinye namba na vuva wa ndagika nini magakorwa makiirwa mbeca ciao.
Kiprop na engi aria mavotire gutoroka makuruvanitue na kwiyra mwingi mamillion ma mbeca .
Wanja wa Njiru
Mbica irutitwe online
