Maavithaa a vorithi mwena wa Eldoret kauntiri ya Uasin Gishu nimeekitie ngono mundumurume wa ukuru wa gatagati uria worotetwe na kunyita kiavinya na kuuraga eritu atano gatagatiri ka mwaka wa 2019 na 2021.
Ruvonge rwa uthuthuria wa wikinai DCI umunthi tariki 17 kuvitukira mutambo wa Twitter maugite Evans Juma Wanjala niumburite kugera ngero ino.
Kuringana na maavithaa ama, Wanjala agerere ngero ino cionthe wardiri ya Moi’s Bridge gicigo gia Soy kauntiri ino ya Uasin Gishu.
Maugite ngero ino ciaripotirwe gatagati ga tariki 31 mweri wa December mwaka wa 2019 na tariki 15 mweri wa gatandatu mwaka uyu wa 2021.
Eritu aria mauragitwe ni a ukuru wa gatagati ka miaka 10 na 15 na nimo Linda Cherono wa miaka 13, Mary Elusa wa miaka 14, Grace Njeri wa miaka 12, Stacy Nabiso wa miaka 10 na Lucy Wanjiru wa miaka 15.
Wanjala agakinyua igotiri jumatatu tariki 19 mweri uyu wa mugwanja.
Gwikua ngono gwake guukite mithenya minini vuva wa mwikuirwa wingi Masten Milimo Wanjala gwikua ngono agikuruvanua na kuuraga ciana kauntiri ya Nairobi.
Mbica irutitwe online
-Mbuya Ngari-
