Sisters a ciungano cionthe thiini wa kanitha gatoreki dioceseri ya Embu nimauritue kuthii nambere kurimira mwito wao wa gutungata andu aria engi na njira iria ciagiririkite. Ni miario yaritue ni Fr James Gatiti uria ukumaaragiria umunthi uyu thiini wa seminar varia ameerite maivananagie na muthure Joseph niguo kuvoera na gutungatira andu.
Mwenari wao, nimaugite muthenya wa umunthi nimavewa vinya muceru wa kuthii nambere na gutambia kirira kia Ngai na njira iri na rwendo na gukiraniriria.
Nimauritue kwovanagira niundu gutiri mundu uria ni muraika na wavo kuumanagiriria niundu mathina ni mengi muno magacemania namo. Nimaririkanitue ni wega kuvoyanagira niguo mundu ndakarutwe wegari wa Ngai ni maundu ma guku nthi.
Wavo, Matiriganiritwe ni gucokeria Fr Gatiti ngatho niundu wa migambo iri na vinya iria amaririkanitie umunthi.
Muthiari nimauritie akristo onthe kumagwatirira na njira ya mavoya niguo kuthii nambere gutambia kirira gia Kristo na wanamo akristo mavunjie kirira giki niundu nimatumirwe gutambia mugambo wa Ngai kuma riria maavatithirue.
-Mbuya Ngari-
