Ovici ya murugamiriri munene wa nthitango cia mwingi niitecaniritie rivoti cigie uria wari minista wa kigina Henry Rotich kuthengutirua nthitango iria akuruvanitue nacio.
Thiini wa ndumiriri iria ivecanitue muthenya wa umunthi, ODPP augite ndeto iria yacavithirue thiini wa ngatheti imwe guku vururiri cigii Rotich kuthengutirua nthitango igii utumiri mucuku wa mbeca cia mwingi ni cia maveni.
Rotich vamwe na ekuirwa engi aana mathitangitue na nthitango ngurani ta kuvanga wyii, utumiri mucuku wa mbeca na kurega kurumirira watho thiini wa kandarathi igiri iria ciavataraga thirikari ya Kenya kuriva muigana wa bilioni 63 niundu wa waki wa ndamu igiri.
Kuringana na Rotich, nthitango igiri itiatariritie mandu maria avatii gucokia thiini wa nthitango cia ungumania na utonga wa vururi undumwe na watho wigii utumiri mucuku wa mbeca cia mwingi.
Thiini wa itua riria riavecanirue tariki 15 mweri uyu wa mugwanja, njanji Douglas Ogoti niwetikirie mwena wa nthitango gwika mogaruruku nthitangori ino vanduri va mithenya mugwanja.
Kaari wa Mugendi
Mbica irutitue online
