Giko kia ntha nigikirite magongona monthe maria ungirutira Mwathani na uguo atumia a CWA parishiri ya Iriamurai diocesiri ya Embu nimang’etetie ciana iria iri wathe muciiri wa Ngiori Small Home kiria ni gikiro kia ntha.
Igongona riri rirekikire igoro na riraambiririe na mitha itongoretue ni vatiri mwene miceni Jeremia Nyagah, varia atumia onthe a parish ya Iriamurai maraikinyitie, undu uria macokeretue ngatho ni mwenegiti wao Lucy Ireri niundu wa guikinyia muciiri uyu.
Akigwata atumia ama ugeni cukururi uyu mwarimu munene cukururi uyu wa mucingi wa Ngiori Integrated nike Billian Gaku, niucokeretia CWA ama ngatho na wavo kumauria riria mundu agia na mwana uri na wathe ndakegue guoya wa kumuvira cukururi uyu niundu guku gutiri muthutukanio.
Mwenari wake mwenegiti wa mucii uyu wa ciana ino nike Peter Mutwiri niuritie mwingi gutiga kuthitha ciana iria iri na wathe nwati meetikire kiveo kiu kuma kuri Ngai.
Fr Jeremiah niucokeretie atumia ama ngatho niundu wa wirutiri na wendi wao gutethia ciana ino na kumavoera Mwathani amarathime vamwe na ciana ciao.
Kavindari wa kau, atumia ama a CWA nimarathimiritwe nguo ciao cia atumia a Parish ino ya Iriamurai.
-Mbuya Ngari-
