Thirikari ya kaunty ya Kisumu nithikite miiri 61 iria irakoretwe iri morcari ngurani vuva wa watho kuvecanwa wa miiri kuthengutua iria ikoretwe mocariri kavida gaka ga kingoki gia Covid 19.
Minista wa ugima wa mwiri guku Fredrick Oluoch augite miiri ino ithikitwe thiini wa icigo cia kuthika mwingi ,vuva wa gukorwa mamukirite watho kuuma igotiri.
Kunari uguo Oluoch augite kuri na miiri ingi 16 itathikitwe varia augite mavecanite kavida ga kiumia kimwe niguo ene miiri ino makorwe makimicira na kumithika .
Wavo augite makoretwe makiuria mwingi kwiyumiria na kuthika miiri ino nwati engi matiyumiritie na nikio mocete ikinyo ria kumithika .
Thirikari ya kaunty ya Kisumu niivecanite mwerekera miiri ndiagirirwe gwikara thiini wa mocari makiria ma mathaa mirongo inna na manana vuva wa gikuo kwonekana .
Wanja wa Njiru
Mbica irutitwe online
