Namba ya aria makuite kurumirira mutino wa gututhuka gwa Lori ya maguta gicigori kia Malanga kuria Gem ikinyite 17 ino ni vuva ya andu engi airi gukua kumana na ndivangio iria magiire cia kuvia muno.
Kuringana na minista wa ugima wa mwiri kauntiri ino ya Siaya Dismas Wakla augite airi aya marari na ngurario cia kuvia makiria ma gicunji kia 50 vari igana na makuirire thivitari ya Siaya County Referral makiamukira urigiti.
Muthenya wa njumamoci riria mutino uyu wonekanire andu 13 nimakuire vauvau na kuuma muthenya ucio engi aana nimakuite na gukinyia namba ino gukorwa iri 17.
Kuringana na arigitani a thirikari na aria mari ruvongeri rwa kuthinja miiri ya andu aria makuite nimoganitie DNA kuuma kuri gicigo giki kia mutino na miiri 13 ya aria makuire njumamoci na maigitue mocari ya thivitari ya Yala sub-county.
Wauguo arigitani aya nimocete nthakame undumwe na bone marrow kuuma miiriri ino undumwe na ithimi kuuma andu 15 aria metanitue na andu aya.
Kaari wa Mugendi
Mbica irutitue online
