Vorithi a counti ya Kisumu nimagiterete tanker ya maguta iria iragire mutino wa varavara kugiririria mwingi gutava maguta.
Mutino ucio urekikire Jumatatu mathaari ma 7:30pm mwena wa Kolwa ya irathiro countiri ya Kisumu.
Vorithi maugite lori io iragure runjiri na dereva wayo niurathondekwa thivitariri ya Kisumu vuva wa kugia ndivagio .
Mwingi wa kuma Kasagam,Nyamasaria na miena ingi ya Kolwa ya irathiro niurateng’eri gisigori kiu na mitungi na kwenda gutava maguta.
Maavitha a vorithi matongoretwe ni Kisumu County Commissioner Josephine Ouko,Commander wa vorithi wa Kisumu Samuel Anampiu na anene a ruvonge rwa kuramata mawatho mavaravara(NTSA).Wavau,avoria a mwaki kuma countiri ya Kisumu nimarakinyire gisigo kiu ndagika itari nginyu 30 nigetha kugiriria mwaki gwakana.
Mbica irutitwe online
Maitha Ngari
