Minista wa ugima wa mwiri vururiri wa Tunisia Faouzi Mehdi nuvutitwe wira vindi iria vururi uyu uthiite nambere na kugumirwa ni kwongerereka kwa aria maronekana na murimu wa Covid 19 .
Murimu wa Covid 19 nutigite thivitari guku na maurito mengi nikwona thivitari nyiingi niikoretwe na unyivu wa riera ria oxygen.
Kuringana na mutari wa ruvonge rwa ugima wa mwiri Rafla Tej Dellagi augite ruvonge rwa ugima wa mwiri nirugumiritue muno ni mathina mengi nikwona itanda thivitariri nimbicuru.
Wavo augite vururi uyu wagirirwe gwikirira thiini wa kuvecana njanjo ya murimu wa Covid 19 niguo kurigiriria gutamba kwa virus cia corona .
Wanja wa Njiru
Mbica irutitwe online
