Murugamiriri wa kiganda kia njovi kia London Distillers Kenya Limited Mohan Galot nukinyitue igotiri ria Milimani mbere ya njanji Martha Mutuku niundu wa kurega kuriva goti wa mwigana wa billion 2.1.
Galot uria ukuruvanitue na nthitango 18 vamwe na riu ria kurega kuriva goti niareganite na nthitango ino na kurekererua na bond ya million 1 na ciira wake wamurwa gukathikirirua tariki 09/08/2021.
Ivitia ria mbere riekikire gatagatiri ka January mwaka 2016 nginya tariki 31 December mwaka 2016 ,Galot, ai murugamiriri wa kampuni ino niwaregire kuriva goti wa Excise duty wa litre ngiri igana 164, 539 cia njovi na ciingi million igiri ,ngiri magana kenda ma igiri, na magana matandatu ma mirongo itandatu na ciiri cia njovi muthemba wa spirit iria yavatie kumenyuthua commissioners a gwocania goti tauria watho urathana.
Uthuthuria uria wikitwe kampuniri ino wonanitie utongoria wa kampuni ino wari na wara wa kurega kuriva goti Excise Duty, VAT na goti wa Corporation.
Uthuthuria uthiete na mbere kwonania kampuni ino ya vecanaga ndumiriri itari cia umma ciigie njovi iria marathondeka, kwendia na uguri wa micuva na indo ciingi cia gwikira njovi manyitanirite na kampuni ciingi iria ciamendagiria.
Mbica irutitwe online
Njagi Ndathi
