Thirikari ya Zimbabwe niyamurithitie aruti wira onthe a thirikari kwamukira njanjo ya murimu wa covid-19 na marega uguo matinwe micara.
Ino yukite vuva wa gikundi kimwe kia aruti wira ama kurega njanjo ino cia kiavinya na gikundi kingi gikimavoya mitikire watho uyu.
Minister wa ruvonge rwa ukinyaniria Monica Mutsvangwa augite thirikari niramakiri aruti wira oyo wauguo murimu uyu uthiite na mbere kwongerereka.
Mutsvangwa athiite na mbere kuuga magoti ma mwena ucio makavinguragwa kuthikiriria ciira cia vata ntheri na aruti wira a thirikari manyivue nginya gicunje kia 25 vari igana.
Munene wa kiama kia arimu kia Amalgamated Rural Teachers Union Robson Shereni augite njanjo ino ndivatie kuvecanwa kiavinya nwati mavatii kuthomithia mwingi vata wa kwamukira njanjo ino.
Gukinyagia riu andu 1,247,000 gatagati ka andu million 14 a Zimbabwe nimamukirikite njanjo ya mbere na engi 650,000 nimamukirite njanjo cia kairi.
Zimbabwe yandikithitie andu 88,415 aria mai na murimu uyu guku andu 2,747 magikua kumana naguo.
Mbica iritutiwe online
–Njagi wa Ndathi-
