Ruvonge rwa ugima wa mwiri niruaniririte andu 801 kuonekana na murimu wa covid 19 muthenya wa umunthi namba iria yumite kuma kuri ithimi 5,850 iria ciikitwe rungu rwa mathaa mirongo iiri na manna mavituku na gukinyia gicuji kia aruaru a murimu wa covid 19 kiri 13 .7 vari igana .
Kuma kuri namba ya umunthi akenya ni 784 nao 17 maumite nja ya vururiri, 426 ni anduarume nao 375 mari atumia , uria munini muno ni mwana wa mwaka umwe nake uria mukuru muno aina ukuru wa miaka 98.
Woguo minista wa ugima wa mwiri Mutahi Kagwe augite andu 293 nimavorete muthenya wa umunthi na gukinyia namba ya aria mavorete murimu wa covid 19 vururiri mari ngiri igana rimwe ria mirongo inana na anna , magana manna ma mirongo itandatu na umwe.
Kaunti iria ciandikithitie aruaru kaunti ya Nairobi niyo itongoretie na aruaru 319 , Mombasa 77, Kilifi 71, Nakuru 60, Uasin Gishu 45, Kiambu 36, Makueni 28, Machakos 17, Siaya 12, Kajiado 11, Nyandarua 11, Kericho 11, Hama Bay 10, Nyeri 9, Taita Taveta 9, Murang’a 9, Kisumu 9, Kirinyaga 8, Embu 5, Laikipia 5, Lamu 5, Garissa 5, Bungoma 4, Kwale 4, Turkana 4, Migori 3, Nandi 3, Nyamira 3, Kisii 2, Kitui 2, Narok 1, Baringo 1, Bomet 1 na Marsabit 1.
Woguo ikuo ikumi na ithano nicianiriritwe muthenya wa umunthi cionthe ikianirirua iri ikuo njerere na gukinyia namba ya ikuo vururiri iri ngiri ithatu , magana manana ma mirongo iiri na ithathatu.
Mbica irutitwe online
Mwende Jackie
