Uria wari rais wa vururi wa South Africa nike Jacob Zuma, na uria woovetwe niundu wa kurega kwathikira watho wa igoti, niwitikiritue kuthii mathikori ma muru wa ng’ina uria munini umunthi, ino ni kuringana na urungamiriri wa njera.
Zuma akoretwe bjerari ya Estcourt kuma tariki 7 mweri uyu wa mugwanja varia agutungata kiovo kia mieri 15.
Njera ino iri vakuvi na gicagi kiria aumite kia Nkandla thiini wa province ya Kwazulu Natal kuria mathiko marathii nambere.
Mutongoria uyu wa miaka 79 atwiritwe kiovo giki mweri muthiri ukithira vuva wa kwagarara watho wa igoti wa kuvecana uira ndetori igie ungumania kavinda karia ari oviciri miaka kenda nginya mwaka wa 2018.
Mbica irutitwe online
-Mbuya Ngari-