Mbeu mbithi nimarurunganite na kuvinga varavara ya Nyeri-Nairobi muthenya wa umunthi makimenereria gwikua ngono kwa mumbunge wa Mathira Rigathi Gachagua .
Maavitha a vorithi nimekinyirie guku gucokia umariru na kuthengutia indo iria iratumiritwe kuvinga varavara .
Gachagua aikirue ngono kirauko kia umunthi ni maavitha a uthuthuria ruvongeri rwa uthuthuria wa wiki nai DCI na kuvirwa Nairobi.
Kuvitukira mutambo wa ukinyaniria wa kiriu Gachagua nutumire ndumiriri, niwaikua ngono na aviritwe Nairobi na ngaari itwarithitue nevenya
agikuruvanua na ungumania .
Mweri muthiru maavitha a uthuthuria nimaugire nimarikitie uthuthuria wao wigie kandarathi thiini wa kampuni iria igwetanagua na Gachagua, na mumbunge uyu akiorotwa nundu wa ciringi billion 12 iria ciavitukire accountiri ciake.
Wauguo kwirikite kampuni iria iravutania na mumbunge uyu ikinyite 40 kuria mbeca ikoretwe ikivirwa .
Mbeca nyiingi ,ikirika ikoretwe ikivirwa thiini wa kampuni iria iramenyekana ta Wamunyoro Investments Limited kuria Gachagua na mutumia wake na muvujia Dorcas Wanjiku monekanite nio ene kampuni .
Wanja wa Njiru
Mbica irutitwe online
