Jaji munene Martha Koome augite ofici yake ndiamukirite rivoti wayonthe ikierethia kiria kiratumire majaji Aggrey Muchelule na Said Chitembwe maikue ngono muthenya wa igoro .
Thiini wa ndumiriri iria avecanite muthenya wa umunthi Koome augite gutiri na rivoti nginyaniru ikinyitue oficiri yake ari ta murungamiriri wa ruvonge rwa ucirithania kana ta mwenegiti wa commission ya magoti .
Wauguo niwiririte majaji nukugitira wiyathi wao kuumana na kwingirirwa ni nvonge ciingi cia thirikari.
Koome augite majaji aya maraikitue ngono magirirwe ni kuthii nambere na kuruta wira wao matari na guoya na marumire mwivito thiini wa ofici ciao .
DCI kuvitukira mutambo wa ukinyaniria wa kiriu wa Twitter muthenya wa umunthi augite kuri na ndumiriri iramakinyire igikuruvania majaji aya na ungumania na utumiri mucuku wa ofici.
Gwikua ngono kwa majaji aya nigukumitwe ni Kenya Magistrates and Judges Association na kuuga gwikua ngono kwa majaji aya ni gwikira guoya aruti wira ruvongeri rwa ucirithania.
Kunari uguo majaji aya nimagite watho kuuma igotiri wa kurigiriria maavitha a vorithi kumaikia ngono kana kumathitanga.
Wanja wa Njiru
Mbica irutitwe online
