Maavithaa a vorithi kauntiri ya Murang’a kivwai kia igoro nimaravingiririe ngaari iria irakuite mwiri wa mutigairi Edward Irungu Njaro uria ni mwini wa nyimbo cia Benga. Mwiri wa Njaro weethirwe ndamuri ya Masinga tariki 17 mweri uyu wa mugwanja.
Mwiri wake ukoretwe uri mocariri ya civitari ya Embu level 5 na kuringana na munene wa maavithaa a vorithi gicigo kia Murang’a South Alexander Shikondi ni ati kuri na rivoti iramakinyire igie kurutwa kwa mwiri uyu mocariri ino matari etikirie.
Shikondi augite miena iiri ya mucii wa mwini uyu niiraruira mwiri uyu varia aciari ake marenda kuthika mwiri nake mutumia wake arenda mwiri uthikwe thiini wa mugunda wa thirikari wa kuthika andu.
Riu augite marenda kumenya gitumi kia mwiri uyu kurutwa mocari utuku na niuriku uravecanire watho uyu.
Ndeto ino yukite vuva wa ndagitari Phyllis Kivisi gwikira mwiri uyu uthuthuria na kuuga gitumi gia gikuo giake giacangirwe ni gutwarua ni manji. Augite kithimi kwionanitie Njaro akuire tariki 14 mweri uyu wa mungwanja, muthenya uria aurire.
Mbica irutite online
–Mbuya Ngari-
