Muungano wa manjanji guku vururiri nuthiite igotiri ukirigiriria munene wa nthitango cia mwingi na ruvonge rwa uthuthuria wa wiki nai kuthitanga njanji Aggrey Muchelule na Said Chitembwe.
Muungano uyu kuvitukira wakili Danstan Omari uravoya igoti kuruta mukana kuri vvitha munene wa vorithi, ruvonge rwa uthuthuria wa wiki nai na avitha wa kugitira ndumiriri cia mwingi matikathuthurie kana kwambiriria nthitango wayonthe ya guturira manjanji ama gitio.
Omari athiite na mbere kuuga watho ndwarumirirwa manjanji ama magiikua ngono na akingikorwa kwari na mavitia, mavatii kumenyithia commission ya magoti nwati ti kumekia ngono. Wakili uyu niathiite na mbere kuria mavitia maria manjanji ama marekite tondu marekirwe ngono na marekua matari na bond.
Manjanji ama mari amwe a manjanji atandatu aria maregire kwivitithua ni Rais Uhuru Kenyatta.
Omari augite njama ya maavitha ama a uthuthuria irari ya kuruta manjanji ama oviciri ciao maige mbeca kuo macoke mamakuruvanie na ungumania.
Njanji ama maraikirwe ngono muthenya wa igoro na kurekererwa vuva wa kwandikithikia statement.
Mbica irutitwe online
Njagi Ndathi
