Ruvonge rwa ugima wa mwiri niruaniririte andu 787 kuonekana na murimu wa covid 19 muthenya wa umunthi namba iria yumite kuma kuri ithimi 6,892 iria ciikitwe rungu rwa mathaa mirongo iiri na manna mavituku na gukinyia gicuji kia aruaru a murimu wa covid 19 kiri 11.4 vari igana.
Namba ya aria manyitikanite na murimu wa covid 19 vururiri ikinyite ngiri igana rimwe ria mirongo kenda na atano , magana manana ma mirongo kenda na anana .
Kuma kuri namba ya umunthi akenya ni 750 ,37 maumite nja ya vururiri , 425 ni anduarume nao 362 mari atumia , uria munini muno ni mwana wa muthenya umwe nake uria mukuru muno aina ukuru wa miaka 97.
Kaunti iria ciandikithitie aruaru kaunti ya Nairobi niyo itongoretie na aruaru 338 , ikirumirirua ni Mombasa na aruaru 60, kiambu 59 na kilifi 36,Nandi 36, Nakuru 32, Uasin Gishu 29, Siaya 25, Machakos 24, Busia 20, Kajiado 16, Murang’a 15, Kericho 10, Garissa 10, Bungoma 8, Kakamega 7, Nyandarua 7, Embu 6, Kirinyaga 5, Kisumu 5, Homa Bay 5, Vihiga 5, Kisii 4, Kitui 4, Bomet 3, Meru 3, Makueni 3, Baringo 2, Isiolo 2, Laikipia 2, Narok 2, Nyeri 1, Taita Taveta 1, Kwale 1 na Trans Nzoia 1.
Woguo andu 424 nimaniriritwe kuvora murimu wa covid 19 na gukinyia namba ya aria mavorete vururiri iri ngiri igana rimwe ria mirongo inana na anna , magana manana ma mirongo inana na atano.
Ikuo ikumi na ingiri nicianiriritwe muthenya wa umunthi cionthe ikianirirua iri ikuo njerere varia namba ya ikuo irungamiririte ngiri ithatu , magana manana ma mirongo ithatu na inyanya.
Mbica irutitwe online
Mwende Jackie
