Maavitha a vorithi kauntiri ya Kirinyaga nimagwatite arutwa 23 mari kiravuri mwena wa Ngurubani gicigo mbunge kia Mwea varia 11 marari eritu na 12 anake.
Kuringana na Commander wa Mwea ya irathiro Daniel Kitavi, maavitha ma vorithi a Wang’uru marathiire kiravuri kiria kiramenyekana ta Club Season vuva wa kumenyithua ni mwingi kurina ciana iranyua njovi mathaari ma thaa ithatu cia utuku igoro.
Arutwa amwe aria maravotire gutoroka nimarekirie maavitha a vorithi mathiga magitethagirirua ni ciana cia kuthiururuka matauniri cia Ngurubani.
Mwene kiravu kiu uria urerikane ni mwarimu niugwatitwe niundu wa kwenderia ciana njovi na kurega kurumirira watho wa thirikari wa kurua na murimu wa COVID-19.
Kitavi niwongererete andu acio nimagukinyua igotiri umunthi.
Mbica irutitwe online
Maitha Ngari
