Mbeu mbithi nimauritue gutumira taranda ciao na njira iria yagiririkite na gutungata thiini wa kanitha .Ni miario irutitwe vindi ya igongona ria mwanya kanithari wa Kings highway baptist Kiambuthi Embu muthenya wa igoro, igongonari ria gwikira taranda cia mbeu mbithi vinya.
Ikundi ngurani cia mbeu mbithi niiracemanitie guku ari vamwe na Youth recharge event, warriors, young dancers na young life varia arungamiriri a ikundi ino makumitie ngwataniro iria makoretwe nayo iria ivotithitie mbeu mbithi gukinyukithia vanene.
Mwenari wake murungamiriri wa cukuru wa Modern green na uria nwa muvujia wa kanitha wa Kings Highway Baptist Kellen Njura Kibathi augite vari na vata wa mitaratara gwikirwa ya kurumbuiya mbeu mbithi niguo matikeyanange utumiriri wa dawa cia ndugugio na ura nthoni
Miario yake ninyititwe mbaru ni avujia aria makoretwe makinyitirira mbeu mbithi aya aria maugite mbeu mbithi gutumira taranda ciao kanithari ni kindu kiavata muno .
Wauguo mbeu mbithi nimataritwe gwika maundu maria makumaretera umithio mwega muturireri wao .
Taranda iria mbeu mbithi aya maronanirie nivamwe na kwina kuthungutha gwikirana vinya niyo motivational speaking na kuvujia mugambo wa Ngai .
Wanja wa Njiru
