Kavindari gaka ngarama ya uturo ithiite na mbere kwambatirira, munini wa speaker wa bunge ya county ya Embu Steve Simba niaugite thirikari nene ndiramakira mwingi wa viruri uyu tondu mathiite na mbere kwongerera ugoti wa indo cia vata na iria itumikaga muno miciiri.
Augite thirikari nene ivatie kurumirira uria thirikari ya county ino ikite niguo kurumbuyia aturi kavandari gaka andu engi mauritwe ni mawira mao na biashara icokete nthi.
Simba uria nwake murugamiriri wa ward ya Runyenjes central niarauria bunge ya kivururi gikarori kiayo mandikithie watho muceru wa kunyivwa kwa mogoti ma indo iria itumikaga muno miciiri niguo kuvuthiria andu ngarama ya muturire.
Miario ino yukite vuva wa thogora wa gas ya kilo 6 kwongerereka kuma ciringi 800 nginya ciringi 1200 na guku thogora wa mutu ukiongerereka kuma ciringi 100 nginya ciringi 140.
Mbica irutitwe online
Njagi Ndathi
