Ekari a itura ria Rwanga Mbeere ya itherero kauntiri ya embu nimatetete ni kuthuka kwa varavara undu umaumiritie muturiro nikwona varavara ya kuuma rwanga kuthiyi Nganduri kana Meca ndingivitukika ni kuthuka .
Makiaria na kameme ga Kimuri Fm maugite mathiururukaga njira ndaca niguo gukinya thiini wa tauni iria iri vakuvi kana cukuru na thivitari ni kwona varavara iria mangitumira icuritwe ni mitaro undu umaumiritie ugendi.
Kuringana na Bernard Mwaniki ,mwikari wa guku augite wana urimiri nwa athara maratara ni kwona maguragirwa maketha mao na thogora wi nthi muno nitondu aria mamaguragira mekinyaga guku na urito mwingi .
Avisavi Mati nake akaite ni kwona aria akuru guku nwamekarire miciiri nitondu maita mengi ni maria magucaga nthi na gutivagua matumira varavara ino.
Twa aria akuru atheri marakaa guku , nao mbeu mbithi maugite matingigura vikiviki nikwona itingivitukira varavarari ino.
Mwenari wake MCA wa Mbeti South Muriithi Kiura niwiririte ekari varavara ino iri muvangori wa kurimwa .
Wanja wa Njiru
