Kiravu kia Tottenham nikianiririte muthaki uria ni defender kuuma vururi wa Belgium Toby Alderweireld niuthamirite kiravuri kia Qatar nikio Al-Duhail Sc .
Muthaki uyu uria wiina miaka 32 akoretwe ari Spurs vanduri va miaka itandatu mivituku vuva ya gutonya kiravuri giki kuuma Atletico Madrid mwaka wa 2015.
Toby ari thiini wa Squad ya Spurs iria yathakire thiini wa Final yaao yambere kimera kia 2015/16, undumwe na timu iria yengirirue bao nini muno kimera kia 2016/17 iri 26.
Alderweireld athakire mechi 236. Engiriritie Belgium bao 113 na niwathakire mbitikari cia World Cup miakari ya 2014 na 2018 undumwe na European Championships miakari ya 2016 na 2020.
Mashabiki kuuma Kenya nimakenetue ni undu uyu kuona Michael Olunga uria ni mukenya akathaka kiravuri kimwe na Toby niundu Olunga engirire kiravuri giki kia Al-Duhail mweri wa January.
Al Duhail macindite nthumbi ya ligi ya Qatar maita mugwanja na coach waao ni Sabri Lamouchi. Macindire imera cia 2010–11, 2011–12, 2013–14, 2014–15, 2016–17, 2017–18 na 2019–20.
Wauguo nimacindite Qatar Cup maita mathatu. Mwaka wa 2013, 2015 na 2018.
Kaari wa Mugendi
Mbica irutitue online
