Raisi wa vururi wa Tanzania Samia Suluhu Hassan numuditwe njanjo ya murimu wa covid 19 ya Johnson and Johnson muthenya wa umunthi mucii munene wa Tanzania Dares Salaam .
Vururi wa Tanzania nuritie mwingi kwiyumiria niguo mamudwe njanjo ino .
Raisi Samia uria wagukumire giturwari kia uraisi vuva wa gikuo kia uria wai raisi John Pombe Maghufuli nucenjetie mwerekera uria wari vururi wa Tanzania maunduri meggie murimu wa Covid 19.
Raisi Samia akoretwe akiuria mwingi vururiri wa Tanzania kurumirira mawatho ma kwigita na murimu wa Covid 19 wariria vururi ucio uraruwa na mututhuko wa kathatu wa Covid 19.
Vururi wa Tanzania wamukire dose million imwe rungu rwa muvango wa COVAX kiumia kimwe kivituku na ukoretwe ugikira mitarata ya kuruwa na kingoki gia covid 19.
Tanzania yari imwe ya mavururi ma gitaru kia Africa, maria mareganaga na uvecani wa njanjo vamwe na Burundi,Eritrea ,na Madagascar .
Kuringana na ndumiriri kuuma kuri ministry ya ugima wa mwiri iria yavecanirwe tariki 22 mweri wa mugwanja vururi wa Tanzania uri na mwivoko wa kuvecana njanjo kuri gicuji kia 6o vari igana kia ekari a vururi uyu .
Wanja wa Njiru
Mbica irutitwe online
