Minister wa ugitiri wa ndari ya vururi Dr Fred Matiang’i riu augite ati niguo thayu wonekane Laikipia, uteti mucuku nwanginya uthirue.
Thiini wa ndumiriri iria ivecanitwe umunthi, Matiang’i augite thirikari niirutirite kuthiria ngucanio gatagati ka andu aria mathamaga makirithagia indo ciao cia nthakame na andu aria mari na migunda yao ya kurithia kauntiri ya Laikipia na miena ingi vururiri uyu kuvitukira kuthiria itumi cia kutharikira indo cia andu kiumbe.
Kuringana nake, wanathengia wa gwikirirwa muno na indo nyingi cia mwingi kuvecanwa ni aria mari mbere yake George Saitoti na Joseph Nkaissery, mbukaniriro ino itianathira na uguo mavatie gucenjia uria maundu meekagwa navau kavere niguo kureta thayu guku.
Kavindari wa kau, Matiang’i augite mbukaniriro ino yavota gukoongerereka thiini wa ithurano nene mwaka muku mangirega gwoca makinyo nevenya.
Augite watiga mbara ya gia kurithia indo ciao, ateti nimaracocera andu guukanirira niguo kuvingia wendi wao oo kiumbe.
Riu Matiang’i niuritie arithi ama gwiciria kwendia indo ciao imwe kuri commission ya nyama vururiri KMC niguo kunyivia mbaara ya gia kurithia indo ciao.
Mbica irutitwe online
-Mbuya Ngari-